युक्रेनका राष्ट्रपति भोलोदिमिर जेलेन्स्कीले आफूले सेनालाई रुससँग आत्मसमर्पण गर्न आह्वान गरेको भन्ने अफवाहको खण्डन गरेका छन्।
यस्तो हल्ला चलेपछि उनी राजधानी किभको सडकमा उभिएर एक भिडियो बनाएका छन् र सामाजिक सञ्जालमा राखेका छन्।
“मैले सेनालाई हतियार बिसाउन भनेको तथा ठाउँ छोड्ने क्रम सुरु भएको जस्ता निकै मिथ्या सूचनाहरू अनलाइनमा छन्,” उनले भने।
“म यहीँ छु। हामी हतियार बिसाउँदैनौँ। हामी हाम्रो राष्ट्रको प्रतिरक्षा गर्छौँ” उनले भनेका छन्।