अमेरिकी फिल्ममा अभिनेता सुवास

नेपाली फिल्ममा भविष्य नदेखेर अमेरिका पलायन भएका अभिनेता सुवास थापा करीब ६ वर्ष अगाडि फिल्म ‘बिर्खेलाई चिन्छस्’ मा देखिएका थिए । उनलाई यही फिल्मले ‘बिर्खे’ को रुपमा पहिचान दिलाएको थियो । अमेरिका पलायन भएपछि नेपाली फिल्ममा नदेखिएका उनी अब अभिनयमा फर्किएका छन् । अमेरिकामा निर्माणाधिन एक अंग्रेजी फिल्ममा उनले अभिनय गरेका छन् ।

एक पुस्तकमा आधारित भएर निर्माण भइरहेको ‘हाउ टु किप योर म्यान ह्याप्पी’ फिल्ममा सुवास सफल व्यवसायीको भूमिकामा छन् । फिल्मलाई कन्ट्रेल राइटले निर्माण र निर्देशन गरिरहेका छन् । निर्देशक राइट आफैंले लेखेको पुस्तकको कथालाई फिल्ममा उतारिएको हो । प्राप्त जानकारी अनुसार, यो फिल्म नेटफ्लिक्समा रिलिज हुनेछ । अहिले फिल्मको छायांकन भइरहेको छ ।

श्रीमतीले छाडेर गएपछि सुवास र उनका छोरा एक्लै भएको कथालाई फिल्ममा देखाइनेछ । अश्वेत परिवारमा बढ्दो सम्बन्ध बिच्छेदले निम्त्याएको पारिवारिक बिखण्डनको कथामा फिल्म आधारित छ । फिल्ममा सुवासले अभिनेत्री प्रियाना मोर्गनसँग रोमान्स गरेका छन् । पहिलो पटक अन्तर्राष्ट्रिय प्रोजेक्टमा काम गर्न पाएकोमा उनले सामाजिक सञ्जालमार्फत खुसी व्यक्त गरेका छन् ।

उनले फेसबुकमा लेखेका छन्, ‘यो राज्यमा मेरो पहिलो अंग्रेजी फिल्म । पर्दामा फर्किन निकै उत्साहित छु । लामो यात्रा गर्नु छ साथी । यो पहिलो चरण हो । समर्थन र प्रेमका लागि सम्पूर्ण कास्ट र क्रियूलाई धन्यवाद ।’ कमेडी भूमिकामा निकै रुचाइएका अभिनेता थापाले ‘ब्रेकफेल, तोरी लाहुरे, सरी ल, तथास्तु, को आफ्नो’ लगायत एक दर्जन बढी फिल्ममा अभिनय गरेका छन् ।

Facebook Comments

Leave a Reply

Back to top button
Close

Adblock Detected

Please consider supporting us by disabling your ad blocker
%d bloggers like this: